بنــــــــــات المتوسط

بنات المتوسط..ومأدرك ما بنات المتوسط....
اليوم جايبه لكم موضوع أعجبني وحبيت أنقلة لكم

دجه
رجه
طولة لسان
لعنة خير
واحسن شئ فيهم(الفزعات)

شعارهم: ازحف للدنيا تزحفلك

عيش وفلها وربك يحلها

هدفهم:تضييع الوقت باي وسيله

لا وعندهم تعصب قبلي وغطوا على الشباب من هالناحيه !!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟
وهاذي قحطانية تهاووشت مع مطيريه عشانها قالت.......؟
وهاذي حالتهم من اول ما يجون لين يطلعون على البيت!!

لا وما شاء الله عليهم عقولهم اكبر من سنهم يعني مثال بنت بثاني متوسط عمرها 15 سنه تعرف كل صغيره وكبيره <<الله يرحم زمان اول

وتلقا كل وحده منهم معاها جوال اخر موديل
و هالشباب مساكين (الرهيب) بالحسره هههههه مزحه

وكل وحده فيهم عندها كومة شباب تعرفون وش يعني كومة شباب<<<طالعه من قلب
تقولون هاذي عمرها 25 مو 15

لا واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت الهلال يغطي على الاتحااد..
ومثال ثاني:
بنت قالت برشلونه تغطي على مانشستر يونايتد وتدوسها تحت جزمتها بعد

لا وانحش اذا جااء طاري اللاعبين اوووف اوووف تكفيخ ومكافخ ولعنة خير
عشان ياسر القحطاني احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ

واذا جت مباراة المنتخب اللي كاتبه على ثوبها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه..

بس يموتون على شئ اسمه (فزاع) الشيخ حمدان يموتون عليه <<يحقلهم ويحبون قصيدة شاميه اتصلت غلطانه ويعشقون الشاعر لفى الهفتا!!

وما يقهرني الا ان المعلمات يخافون منهم وربي يخافون

ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه انواع وانواع وانواع

وكل اغنية تنزل حفظوها بدقيقه يعني لو الوزاره تخلي المناهج اغاني وتجيب مساري يغنيها وربي ينجحون بالراحه ههههههههههه

والمشكله انهم يعرفون كل سياره تنزل ويعرفون موديلها وقيمتها وشركتها والاقساط حقتها مدري وش عرفهم ما شاء الله

وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتدياتها

لا واذا مروا شباب من عند مدرستهم انواع الزحمه يا شيخ اللي تزين الكحل حقها ولا تعدل لثمتها ولا تشيل الشيله خير شر كل هاذي عشان يقزوون صح؟؟؟

وخصوصا اذا طلعوا على البيت انواع القز انواع الغمز واذا عجبهم واحد نادوه وقطوا الرقم وراحوا >>والله حاله فضاوه

وتعال بالحصه اللي تطقطق بعلكها واللي تاكل حب واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تقص شعرها واللي تهستر بالمعلمه والشله هذيك منحاشه وشلة ثانيه بالاداره الله لا يوريكم اذا حنا كذا وشلون المدارس الخاصه!!

لا وكل يوم يلبسون بناطيل تحت مراييلهم عشان اذا لعبوا كره ورا المدرسه
طبعا كل يوم الشلل هاذي مخصصين حصه يهربون فيها ويروحون يلعبون ورا الدرسه بالكره <<حشا شباب مو بنات
يروحون ورا ويفصخون ثيابهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه

وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها

وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ

هههههه

والمشكله دجه طول السنه ونهاية العام اللي جايبه نسبة 95% والثانيه98%

وعليهم ثقه بانفسهم مو صاحيه الوحده واثقه من نفسها حييييييل من كل ناحيه

وما يمر يومين الا وهم متواعدات بمجمع حتى بالمشاغل حقت قص الشعر يتواعدون هناك

واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد

وهاذي حالتهم مستحيل تتغير يعني صراحه العن من بنات الثانوي والجامعه حرااام البنت عمرها 15سنه
16 سنه14سنه 17سنه وداجه..

بس وناسه وربي على الاقل يطلعون من المدرسه بذكريات تضحك خخخخخخخخ

Admin المساهمات : 30 تاريخ التسجيل : 01/05/2008

من جد مهبل
بس حتى بنات الثنوي دجتهم سابقتهم
يعطيك العافيه على الموضوع

Admin المساهمات : 95 تاريخ التسجيل : 01/05/2008

مره مهبل
بس مافي احلى من هبال الثنوي>>غارت
يعطيك العافيه

المساهمات : 47 تاريخ التسجيل : 06/06/2008

luh معا الى الصرقعه والدجه والوناسه afro

مشكوووووووووووووره على الموضوع الحلو........... lol!